پاکستان میں مذہبی آزادی اور اقلیتوں کے تحفظ کے قوانین

قانون، امن عامہ اور اخلاقیات کے تابع رہنے والے،

(a)ہر شہری کو اپنے مذہب کا اظہارکرنے، اس پر عمل کرنے اور اس کی تبلیغ کا حق حاصل ہوگا۔ اور

(b)ہر مذہبی گروہ اور اس کے ہر فرقے کو اپنے مذہبی ادارے قائم کرنے، برقرار رکھنے اور انہیں چلانے کا حق حاصل ہوگا۔

کسی شخص کو کوئی ایسا مخصوص ٹیکس ادا کرنے پر مجبور نہیں کیا جائے گا جس سے حاصل ہونے والی آمدنی اس کے مذہب کے علاوہ کسی اور مذہب کی تبلیغ یا اس کی دیکھ بھال پر خرچ کی جائے۔

(1) تمام شہری قانون کے سامنے برابر ہیں اور مساوی طور پہ قانونی  تحفظ کے حقدار ہیں۔

(1) عوامی تفریحی مقامات اور اجتماع کی جگہیں جو صرف مذہبی مقاصد کے لیے خاص نہیں ہیں،ان تک رسائی کے لیے کسی بھی شہری کے ساتھ نسل، مذہب، ذات، جنس، سکونت یا جائے پیدائش کی بنیاد پر کوئی امتیاز نہیں برتا جائے گا۔

(1) کوئی بھی شہری  جوپاکستان کے اندر ملازمت کی تقرری کا اہل ہو، اس کے ساتھ نسل، مذہب، ذات، جنس، سکونت یا جائے پیدائش کی بنیاد پر تقرری کے سلسلے میں امتیازی سلوک نہیں کیا جائے گا:

تاہم، نفاذ کے  دن سے لے کر زیادہ سے زیادہ  چالیس سال کے عرصہ تک کے لیے سرکاری ملازمتوں میں مناسب نمائندگی کی غرض سے کسی مخصوص طبقے کے افراد کے لیے اسامیاں مختص کی جاسکتی ہیں۔

مزید یہ کہ، مذکورہ سروس کے مفاد کو مدنظر رکھتے ہوئے، مخصوص اسامیاں یا محکمے کسی ایک صنف کے افراد کے لیے مخصوص کیے جاسکتے ہیں،بشرطیکہ  وہ اسامیاں اور محکمے ایسے فرائض خدمات کی انجام دہی پر مشتمل ہوں جو دوسری صنف کے افراد مناسب طریقے سے انجام نہ دے سکتے ہوں۔

[تاہم، پاکستان میں سروسز وخدمات کے مسئلہ میں کسی بھی طبقے یا علاقے کی کم نمائندگی کا ازالہ ان طریقوں سے کیا جاسکتا ہے جن کا تعین مجلس شوریٰ (پارلیمنٹ) کے ایکٹ سے کیا گیا ہو۔]

ریاست اقلیتوں کے جائز حقوق اور مفادات کا تحفظ کرے گی، بشمول وفاقی اور صوبائی ملازمتوں وسروسز میں ان کی مناسب نمائندگی کے۔

(1) پاکستان کے مسلمانوں کو انفرادی اور اجتماعی طور پر اس قابل بنانے کے لیے اقدامات کیے جائیں گے کہ وہ اپنی زندگیوں کو اسلام کے بنیادی اصولوں اور اساسی تصورات کے مطابق ترتیب دیں اور ایسا ماحول فراہم فراہم کیا جائے جس کے توسط سے وہ  قرآن وسنت کے مطابق زندگی کے مقصدکو سمجھنے کے قابل ہو سکیں۔

(2)  پاکستان کے مسلمانوں کے لیے ریاست کی کوشش ہوگی کہ:

(الف) قرآن پاک اور اسلامیات کی تعلیم کو لازمی بنایا جائے، عربی زبان سیکھنے کی حوصلہ افزائی کی جائے اوراس کے لیے سہولیات فراہم کی جائیں، اور قرآن پاک کی صحیح اور درست طباعت اور اشاعت کا بندوبست کیا جائے۔

(2) کوئی شخص بطور صدر منتخب ہونے کا اہل نہیں ہو گا جب تک کہ  وہ مسلمان نہ ہو، اور  پینتالیس سال سے زیادہ عمر کا  نہ ہو،اور قومی اسمبلی کا رکن منتخب ہونے کا اہل نہ ہو۔

(3) سپیکر اور ڈپٹی سپیکر کے انتخاب کے بعد، قومی اسمبلی دیگر کسی بھی کام سے پہلے، بغیر بحث کیے اپنے کسی مسلمان ممبر کو وزیر اعظم کے لیے منتخب کرنے کے لیے آگے بڑھے گی۔

جو بھی شخص

(a)بولے گئے یا لکھئے گئےالفاظ کے ذریعے،  اشاروں کے ذریعے، یا کسی بھی اور طریقے سے مذہب، نسل، سکونت،یاکمیونٹی کی بنیاد پر مختلف مذہبی، نسلی، لسانی یا علاقائی گروہوں ، ذاتوں یا برادریوں کے درمیان بدامنی،دشمنی، نفرت یا بدخواہی کے جذبات پیداکرنے یا اُکسانے کی کوشش کرے،

(b)خود ایسا اقدام کرے یا کسی دوسرے کو ایسی سرگرمیوں کے ارتکاب پر اُکسائے جن کے باعث مختلف مذہبی، لسانی،نسلی، علاقائی،طبقاتی یا کسی بھی نوع کی دیگر اکائیوں کے مابین آپسی سطح پہ بدامنی وعدم رواداری کا ماحول جنم لے اور امنِ عامہ متأثر ہو،

(c)خود ایسا کرے یاکسی دوسرے فرد کو منظم کرکے  اسے تربیت دے کہ  وہ ایسی کوئی تحریک چلائے یا لوگوں کو اُکسائے جس سے وہ مجرمانہ سرگرمیوں  کا حصہ بنیں،یا یہ امکان ہو کہ وہ بعد میں تشدد کا استعمال کرسکتے ہیں، یا ان اقدامات کے باعث مذہب، نسل، سکونت،یاکمیونٹی کی بنیاد پر مختلف مذہبی، نسلی، لسانی یا علاقائی گروہوں ، ذاتوں یا برادریوں کے درمیان بدامنی،دشمنی، نفرت یا بدخواہی کے جذبات پیداہوں، یا کسی گروہ کے لیے عدم تحفظ کا احساس پیدا ہو، ایسے شخص کو بمع جرمانہ قید کی سزا سنائی جائے گی جس کی مدت پانچ سال تک ہوسکتی ہے۔

جوبھی شخص کسی عبادت گاہ کو مسمارکرتا ہے، نقصان پہنچاتا ہے یا اس کی بے حرمتی کرتا ہے،  یا یہ کہ  کوئی بھی ایسی چیز جو کسی مذہب میں مقدس تصور کی جاتی ہو،اس کا علم ہوتے ہوئے جان بوجھ کر اس چیز کے خلاف ایسا اقدام کرتا ہے جو اُس مذہب وطبقے کے ماننے والوں کے ہاں توہین سمجھی جائے ، تو ایسا اقدام کرنے والے شخص کو دو سال مدت  تک کی سزا سنائی جاسکتی ہے، یا جرمانہ عائد کیا جاسکتا ہے، اور دونوں سزائیں ایک ساتھ بھی سنائی جاسکتی ہیں۔

جو بھی شخص پاکستانی شہریوں کے کسی بھی طبقے کے مذہبی جذبات کو مجروح کرنے کے لیے دانستہ اور بدنیتی کے ساتھ، تحریر یا تقریر میں، یا کسی بھی قسم کےظاہری فعل کے ذریعے اس طبقے کے مذہب یا مذہبی عقائد کی توہین کا مرتکب ہو، اسے دس سال کی مدت تک  قید کی سزا ہو سکتی ہے، یا جرمانہ عائد کیا جاسکتا ہے، اوریا دونوں سزائیں لاگو کی جاسکتی ہیں۔

جو بھی شخص ایسی  مذہبی عبادات، یا مذہبی تقاریب  کے اجتماعات میں خلل ڈالتا ہے جو قانونی طور پہ انجام دی جارہی ہوں، اسے ایک سال کی مدت  تک  سزا سنائی جاسکتی ہےہوسکتی ہے، یا جرمانہ عائد کیا جاسکتا ہے، اوریا دونوں سزائیں لاگو کی جاسکتی ہیں۔

جو بھی شخص کسی کے جذبات مجروح کرنے کی غرض سے، یا اس کے مذہب کی توہین کی نیت سے، یا اس علم کے ساتھ کہ کسی کے جذبات مجروح ہونے یا مذہبی توہین کا امکان ہے، وہ اس کی عبادت کی جگہ، مجسمہ سازی کے مقام، جنازے کی رسومات اداکرنے کی جگہ ، میت کی باقیات کو رکھنے کی جگہ کے لیے یا کسی انسانی لاش کے لیے بے حرمتی کا ارتکاب کرے، یا جنازے کی تقریب میں خلل ڈالے، ایسے شخص کو ایک سال تک کی قید کی سزا سنائی جاسکتی ہے، یا جرمانہ عائد کیا جاسکتا ہے، اوریا دونوں سزائیں لاگو کی جاسکتی ہیں۔

جو شخص جان بوجھ کر کسی کے مذہبی جذبات کو ٹھیس پہنچانے کی نیت سے کوئی لفظ ادا کرے، یا اس کی سماعت میں کوئی ایسی آواز پہنچائے، یا ایسا اشارہ کرے، یا اس کے سامنے کوئی ایسی چیز رکھے جس سے اس کی مذہبی احساسات مجروح ہوں، ایسے شخص کو ایک سال تک کی قید کی سزا سنائی جاسکتی ہے، یا جرمانہ عائد کیا جاسکتا ہے، اوریا دونوں سزائیں لاگو کی جاسکتی ہیں۔

جو بھی شخص بالواسطہ یا بلاسطہ تحریر یا تقریر کے ذریعے، یا کسی بھی قسم کےظاہری فعل کے ذریعے،بہتان لگاکے،طعن کرکے،یا تنقید کرکے امہات المؤمنینؓ یا خاندانِ اہلِ بیتؓ کے مقدس ناموں کی توہین کرتا ہے،یاخلفاء راشدینؓ وصحابہؓ میں سے کسی کی اہانت کا مرتکب ہوتا ہے،اسے تین سال تک کی قید کی سزا سنائی جاسکتی ہے، یا جرمانہ عائد کیا جاسکتا ہے، اوریا دونوں سزائیں لاگو کی جاسکتی ہیں۔[2]